حقیقی اسلام جس میں مہدویت ہے اور سیکولر اسلام
رہبر معظم امام خامنہ ای دام ظلہ العالی
کچھ لوگ مسجد کو سیاسی مسائل سے مکمل طور پر دور رکھنا چاہتے ہیں۔ وہ کہتے ہیں کہ جناب، سیاسی باتیں مت کریں اور بس اپنا کام کریں۔ آپ کے کام کا کیا مطلب ہے؟ یعنی بس نماز پڑھو او جاؤ اپنے روز مرہ معمول میں لگ جاؤ۔ امام مسجد کا کام فقط پیش نمازی کرنا ہے اس کو سیاست سے کیا لینا دینا؟ یا ایک نمازی کو اجتماعی اور سیاسی مسائل سے کیا کام۔ یہی سیکولرازم (secularism) ہے، سیکولرازم کا مطلب یہ نہیں ہوتا کہ آپ بے دین بن جائیں بلکہ اس کا مطلب یہ ہوتا کہ مذہب کا عمل دخل صرف ذاتی امور تک ہے، سیاست اور معاشرے کے اجتماعی امور میں مذہب کی رو سے نظریہ نہ رکھا جاۓ۔ ہاں، اگر کوئی مغربی ہے یا مشرقی مختلف سماجی نظاموں کے اندر رہتے ہوۓ اپنے لیے، یا اپنے دل میں، خدا سے تعلق رکھتا ہے تو رکھتا رہے۔ سیکولرازم کا مطلب یہ ہے۔
دشمن ایسا مذہب اور ایسا مذہبی چاہتا ہے۔ جس دین کی وہ مخالفت کرتے ہیں، جس عقیدے کے خلاف وہ لڑتے ہیں، وہ ایمان ہے جو اسلامی نظام کے قیام کا باعث بنتا ہے اور اسلام کو مضبوط کرتا ہے۔ وہ اس کی مخالفت کرتے ہیں۔ وہ اسلام سے ڈرتے ہیں۔ لیکن کون سا اسلام؟ ایک ایسا اسلام جس کے پاس طاقت ہے، اس کے پاس نظام ہے، اس کے پاس سیاست ہے، اس کے پاس حکومت ہے، اس کے پاس فوج ہے، اس کے پاس مسلح قوت ہے، اس کے پاس سائنسی صلاحیت ہے، اس کے پاس بین الاقوامی صلاحیتیں ہیں۔ وہ اس قسم کے اسلام سے خوفزدہ ہیں، اور وہ ایسے اسلام سے نہیں ڈرتے یا ایسے فرقے سے نیہں ڈرتے کہ مثلا فلاں زمیں کے خطے پر ان کے اتنے لاکھ افراد ہیں، ہاں اگر ان کے پاس طاقت نہیں تو چاہے زیادہ بھی ہو جائیں کوئی مسئلہ نہیں۔ جس اسلام کی وہ مخالفت کرتے ہیں، جس سے وہ مقابلہ کرتے ہیں، یا جس کے دشمن ہیں، وہ اسلام ہے جو مقتدر ہے۔(۱)
