انبیاء کرام و وارثان انبیاء کا وظیفہ نظام عدالت قائم کرنا ہے

امام خمینی رضوان اللہ تعالی علیہ

انبیاء علیہ السلام کا ہدف و ذمہ دارى فقط فقہى احکام بیان کرنا نہیں ، ایسی بات نہیں کہ مسائل اور فقہى احکام وحى کے ذریعے  رسول اکرمﷺ پرنازل ہوۓ ہیں انہوں نے اور آئمہ اطہارؑ نے ان مسائل کو بیان کرنا ہے۔ یعنى خداوند متعال نے ان کو بس اس لئے مبعوث کیا ہے کہ مسائل و فقہى احکام کو بغیر کسى سستى کے عوام تک پہنچا دیں۔ اور اہل بیت ؑ نے اس ذمہ دارى کو علماءکرام کے سپرد کر دیا کہ وہ بھى اس امانت کو عوام الناس تک بغیر کسى خیانت کے پہنچائیں۔ ’’الفقھاء امنا الرسل‘‘ کا مطلب فقط یہ نہیں کہ فقہاء کرام و علماء کرام مسائل و احکام پہنچانے میں انبیاء کے امین ہیں بلکہ اس کا مطلب یہ ہے کہ علماء و فقہاء کرام اساسى ترین وظیفہ پیامبران یعنى ایک ایسا اجتماعى نظام جو عدل کى بنیادوں پر قائم ہے اس کو معاشروں میں برقرار کرنے میں امین ہیں۔اسى مطلب کى طرف قرآن کریم میں بھى اشارہ موجود ہے۔ 

لَقَدْ أَرْسَلْنَا رُسُلَنَا بِالْبَیِّنَاتِ وَأَنْزَلْنَا مَعَهُمُ الْکِتَابَ وَالْمِیزَانَ لِیَقُومَ النَّاسُ بِالْقِسْطِ.
(الحدید : ۲۵)

ترجمہ:

بے شک ہم نے اپنے رسولوں کو واضح دلائل دے کر بھیجا ہے اور ہم نے ان کے ساتھ کتاب اور میزان نازل کیا ہے تاکہ لوگ عدل قائم کریں۔(۱)

 

 

---

حوالہ:

۱۔  حکومت اسلامى و ولایت فقیہ در اندیشہ امام خمینىؒ، ص:۸۷۔

جمہورى اسلامى سے مراد

امام خمینى رضوان اللہ تعالی علیہ

ہمارى حکومتى نظام کا ڈھانچہ ’’جمہورى اسلامى‘‘ ہے، ’’جمہورى‘‘ اس معنى میں کہ لوگوں کى اکثریت اس کو قبول کرے اور ’’اسلامى‘‘ اس معنى میں کہ اس کو قوانین اسلام کے مطابق چلایا جاۓ۔(۱)

 

 

---

حوالہ:

۱۔ حکومت اسلامى و ولایت فقیہ در اندیشہ امام خمینىؒ، ص۵۷۔
 

نوجوانوں کى ذمہ داریاں

امام خمینى رضوان اللہ تعالی علیہ

آپ حضرات نوجوان ہیں اور ان شاء اللہ مستقبل میں اسلام کے لئے مفید ثابت ہوں گے جو مختصر مطالب آپ کے سامنے بیان کررہاہوں ، ان کو اپنى پورى زندگى کا وظیفہ بنائیے اور قوانین اسلام کو پہنچوانے میں باقاعدہ کوشش فرمائیے آپ جو طریقہ مناسب سمجھیں تحریراً، تقریراً، لوگوں کو بتائیے کہ اسلام اپنے دور سے ہى کتنى مشکلات سے گزرتا رہا ہے اور آج بھى اس کے کتنے دشمن ہیں اور اس کے لئے کتنى مصیبتیں ہیں ۔ ایسا نہ ہو کہ حقیقت ماہیت اسلام مخفى رہ جاۓ اور لوگ یہ سوچنے لگیں کہ عیسائیت کى طرح اسلام بھى حق و خلق کے درمیان رابطہ کے لئے صرف چند انگلیوں پر گننے والا دستور رکھتاہے اور مسجد کلیسا میں کوئى فرق نہیں ہے۔(۱)

 

 

---

حوالہ:

خمینی، روح اللہ موسوی، حکومت اسلامى، ج۱، ص۵۔ 

نظام امامت کے علاوہ بقیہ نظام

امام خمینی رضوان اللہ تعالی علیہ

ہر نظام سیاسى جو غیر اسلامى ہوگا وہ ہمیشہ شرک آمیز ہوگا اور اس کا حاکم طاغوت ہوگا اس لئے ہمارا فریضہ ہے کہ مسلمانوں کے معاشروں سے شرک کى نجاست کو دور کریں۔(۱)

 

 

---

حوالہ:

۱۔ خمینی، روح اللہ موسوی، حکومت اسلامى، ج۱، ص۲۴۔

انقلاب اسلامی اور روٹی کپڑے کا انقلاب

امام خمینی رضوان اللہ تعالی علیہ

جو چیز ہمارے لئے اہمیت کی حامل ہے وہ ہے دین اسلام، کہ جس میں سب کچھ موجود ہے، ہم نے اپنے پیٹ کیلئے قیام نہیں کیا کہ اگر ہمارا پیٹ کوئی بھر دے تو ہم قیام نہیں کریں گے۔ ہم نے اسلام کے لیے قیام کیا ہے اسی طرح سے کہ جس طرح صدر اسلام میں پیغمبر اکرم صلی اللہ علیہ و آلہ نے قیام فرمایا۔(۱)

 

 

---

حوالہ:

۱- خمینی، روح اللہ موسوی، صحیفہ امام، ج۱۳ ، ص۱۴۴۔