پنجگانہ نماز کا صحیح فضیلت کا وقت
سوال:
پنجگانہ نمازوں کا دقیق فضیلت کا وقت کونسا ہے جس میں نماز پڑھنے سے زیادہ ثواب حاصل ہو سکے؟
جواب:
انسان کے لیے مستحب ہے کہ پانچ وقت کی نمازیں الگ الگ اپنے وقت پر بجا لاۓ جو ان کا صحیح و دقیق فضیلت کا وقت ہے۔
صبح کی نماز کو طلوع فجر سے لے کر آفتاب کے طلوع ہونے تک پڑھا جاتا ہے بہتر ہے کہ ہوا کے روشن ہونے سے قبل اسی تاریکی میں ہی صبح ادا کی جاۓ۔ نماز ظہر کی فضیلت کا وقت شاخص کے ساۓ کا خود شاخص کے برابر ہونے تک ہے، البتہ یہاں پر ساۓ سے مراد وہ سایہ ہے جو ظہر کے بعد پیدا ہوتا ہے۔ نماز عصر کی فضیلت کا وقت شاخص کے ساۓ کا خود شاخص کے برابر ہونے سے اس شاخص کے دوگنا ہونے تک ہے۔ نماز مغرب کی فضیلت کا وقت سورج ڈوبنے سے ’’ حمرہ مغربیہ‘‘ کے زائل ہونے تک ہے۔ حمرہ مغربیہ سے مراد سورج ڈوبنے کے بعد مغرب میں پیدا ہونے والی سرخی ہے۔ اور نماز عشاء کی فضیلت کا وقت مذکورہ سرخی ختم ہونے کے وقت سے رات کی ایک تہائی گزرنے تک ہے۔
