امام علیؑ کا کھانا

عمرو ابن حریث کہتے ہیں کہ ایک دن دوپہر کے وقت مجھے امام علیؑ کی خدمت میں حاضر ہونے کا اتفاق ہوا۔ میں نے دیکھا کہ ایک مہر شدہ تھیلی آپؑ کے آگے رکھی ہے، آپؑ نے اس میں سے سوکھی روٹی کے ٹکڑے نکالے اور انہیں پانی میں بھگو کر اور ان پر نمک چھڑک کر کھانے لگے۔

میں نے روٹی کے ٹکڑوں کو دیکھ کر فضہ سے کہا کہ تم سے اتنا بھی نہیں ہوتا کہ گوندنے سے پہلے آٹا چھان کر بھوسی الگ کر دیا کرو۔ فضہ نے کہا کہ میں نے ایک دفقہ آٹا چھانا تھا مگر حضرتؑ نے آیندہ ایسا کرنے سے منع کر دیا۔ اور میں نے اس تھیلی میں سوکھے ٹکڑوں کے علاوہ کھانے کی کچھ اور چیزیں بھی رکھ دی تھیں مگر حضرتؑ نے اس پ مہر لگا دی تاکہ اس میں کسی اور چیز کا اضافہ نہ کرسکوں۔(۱)

 

---

حوالہ:

۱۔ مفتی جعفر حسین، سیرت امیرالمومنینؑ، ص۱۲۷۔