اَلْغِنٰى فِی الْغُرْبَةِ وَطَنٌ، وَ الْفَقْرُ فِی الْوَطَنِ غُرْبَةٌ.
دولت ہو تو پردیس میں بھی دیس ہے اور مفلسی ہو تو دیس میں بھی پردیس۔
اَلْقَنَاعَةُ مَالٌ لَّا یَنْفَدُ.
قناعت وہ سرمایہ ہے جو ختم نہیں ہو سکتا۔
قَالَ الرَّضِیُّ: وَ قَدْ رُوِىَ هٰذَا الْکَلَامُ عَنِ النَّبِىِّ ﷺ.
علامہ رضیؒ فرماتے ہیں کہ: یہ کلام پیغمبر اکرم ﷺ سے بھی مروی ہے۔
balagha.org
لَا غِنٰى کَالْعَقْلِ، وَ لَا فَقْرَ کَالْجَهْلِ، وَ لَا مِیْرَاثَ کَالْاَدَبِ، وَ لَا ظَهِیْرَ کَالْمُشَاوَرَةِ.
عقل سے بڑھ کر کوئی ثروت نہیں اور جہالت سے بڑھ کر کوئی بے مائیگی نہیں۔ ادب سے بڑھ کر کوئی میراث نہیں اور مشورہ سے زیادہ کوئی چیز معین و مددگار نہیں۔
اَلصَّبْرُ صَبْرَانِ: صَبْرٌ عَلٰى مَا تَکْرَهُ، وَ صَبْرٌ عَمَّا تُحِبُّ.
صبر دو طرح کا ہوتا ہے: ایک ناگوار باتوں پر صبر اور دوسرے پسندیدہ چیزوں سے صبر۔
balagha.org
قُلُوْبُ الرِّجَالِ وَحْشِیَّةٌ، فَمَنْ تَاَلَّفَهَا اَقْبَلَتْ عَلَیْهِ.
لوگوں کے دل صحرائی جانور ہیں، جو ان کو سدھائے گا اس کی طرف جھکیں گے۔
عَیْبُکَ مَسْتُوْرٌ مَّاۤ اَسْعَدَکَ جَدُّکَ.
جب تک تمہارے نصیب یاور ہیں تمہارے عیب ڈھکے ہوئے ہیں۔
balagha.org
لَا تَرَى الْجَاهِلَ اِلَّا مُفْرِطًا اَوْ مُفَرِّطًا.
جاہل کو نہ پاؤ گے، مگر یا حد سے آگے بڑھا ہوا اور یا اس سے بہت پیچھے۔
اِذَا تَمَّ الْعَقْلُ نَقَصَ الْکَلاَمُ.
جب عقل بڑھتی ہے تو باتیں کم ہو جاتی ہیں۔
بسیار گوئی، پریشان خیالی کا اور پریشان خیالی عقل کی خامی کا نتیجہ ہوتی ہے اور جب انسان کی عقل کامل اور فہم پختہ ہوتا ہے تو اس کے ذہن اور خیالات میں توازن پیدا ہو جاتا ہے اور عقل دوسرے قوائے بدنیہ کی طرح زبان پر بھی تسلط و اقتدار حاصل کر لیتی ہے، جس کے نتیجہ میں زبان عقل کے تقاضوں سے ہٹ کر اور بے سوچے سمجھے کھلنا گوارا نہیں کرتی اور ظاہر ہے کہ سوچ بچار کے بعد جو کلام ہوگا وہ مختصر اور زوائد سے پاک ہوگا۔
مرد چوں عقلش بیفزاید بکاھد در سخن
تا نیابد فرصتِ گفتار نگشاید دہن
https://balagha.org
اَلْعَفَافُ زِیْنَةُ الْفَقْرِ، وَ الشُّکْرُ زِیْنَةُ الْغِنٰى.
عفت فقر کا زیور ہے اور شکر دولت مندی کی زینت ہے۔
اِذَا لَمْ یَکُنْ مَا تُرِیْدُ فَلاَ تُبَلْ مَا کُنْتَ.
اگر حسب ِمنشا تمہارا کام نہ بن سکے تو پھر جس حالت میں ہو مگن رہو۔
https://balagha.org
